សម្តេចតេជោ ហ៊ុន សែន៖ សូមបងប្អូនប្រជាពលរដ្ឋដែលចាញ់បោកគេ អូសទាញអោយធ្វើរដ្ឋប្រហារ មិនបានសម្រេច សូមវិលចូលផ្ទះវិញ
14-November-2019 | ដោយ ពលមនសិការ
កំពត៖ មេក្លោងរដ្ឋប្រហារនៅថ្ងៃទី៩ វិច្ឆិកា ២០១៩ មិនបានសម្រេចមែន តែបានធ្វើអោយប្រជាពលរដ្ឋមួយចំនួនលង់ខ្លួនចាញ់បោកបានរត់ទៅពួនសំងំលាក់ខ្លួននៅតាមខេត្តក្រុងនានាមួយចំនួនដោយភ័យខ្លាចនិងតក់ស្លុត។ ហើយបងប្អូនមួយចំនួនទៀតដោយសារការភ័យខ្លាច ក៏បានរត់គេចខ្លួនទៅក្រៅប្រទេសដូចជាប្រទេសថៃ ហ្វីលីពីន…ជាដើម។
សម្តេចតេជោ ហ៊ុន សែន នាយករដ្ឋមន្ត្រី បានអំពាវនាវដល់បងប្អូនដែលបានចាញ់បោកមេក្លោងធ្វើរដ្ឋប្រហារមិនបានសម្រេច សូមបងប្អូនវិលត្រឡប់មកកាន់ផ្ទះសម្បែងជួបជុំប្រពន្ធកូនឡើងវិញ រាជរាជរដ្ឋាភិបាលមិនយកទោសពៃរ៍អ្វីឡើយ។ ទន្ទឹមនឹងនេះដែរ ក៏មានបងប្អូនមួយចំនួនទៀតមានដីការកោះខ្លួន ហើយមួយចំនួនទៀតក៏ត្រូវបានចាប់បាននិងឃុំខ្លួនបណ្តោះអាសន្ន។
សម្តេចតេជោ ហ៊ុន សែន ក្នុងនាមជាប្រធាននីតិប្រតិបត្តិបានមានប្រសាសន៍ជម្រាបទៅ រដ្ឋមន្ត្រីក្រសួងយុត្តិធម៌គប្បីដក ឬលុបដីការកោះហៅ ដើម្បីអោយបងប្អូនបានវិលត្រឡប់មកផ្ទះវិញ៕
ចំនួនអ្នកទស្សនា
- ថ្ងៃនេះ4071
- ម្សិលមិញ20231
- សប្តាហ៍នេះ83151
- ខែនេះ105031
- ឆ្នាំនេះ105031
- សរុប20547487